टिस्टा (निसं): टिस्टा नदीमा दुर्घटनामा परेर निखोज भएका मानिसहरू लगायत वाहन तथा अन्य सर-सामानहरूको उद्धार गर्दै आइरहेको टिस्टा रङ्गीत रेसक्यु टीमलाई विभिन्न संघ-संस्थाहरुले सहयोग गर्ने क्रम जारी छ। यसैक्रममा आज इंग्ल्याण्डमा रहेको दार्जिलिङ समाजले टिस्टा रङ्गीत रेसक्यु टीमलाई एउटा राम्रो स्तरीय ऱ्याफटिङ बोर्ड प्रदान गरेको छ। उक्त ऱ्याफटिङ बोर्डलाई टिस्टा त्रिवेणीमा पुजा-अर्चना गरेपछि आजदेखि सञ्चालन शुरू गरेको छ।
इंग्ल्याण्डमा रहेको दार्जिलिङ गोर्खा समाजले टिस्टा रङ्गीत रेस्क्यु टीमलाई ऱ्याफ्ट बोर्ड प्रदान गरेकोमा टिस्टा रङ्गीत रेसक्यु टीमका सभापति शान्ति राई अनि सचिव निर्मल सुब्बाले आभार व्यक्त गरेका छन् । यसरी नै संस्थालाई एम्बुलेन्स अनि अन्य सर-समानहरू प्रदान गर्ने व्याक्तिहरु सबैलाई पनि तिनीहरूले आभार ब्यक्त गरेका छन्। टिस्टा रङ्गीत रेसक्यु टीमलाई वकीटकी प्रदान गरेवापात् हिल टाईम्सका निर्देशक केशर मोक्तानलाई पनि संस्थाले कृतज्ञता प्रकट गरेको छ।