फालाकाटामा भाजपाको अभिनन्दन यात्रामा सामेल दिलीप घोष

अलिपुरद्वार : फालाकाटामा आज भाजपाको तर्फबाट अभिनन्दन यात्राको आयोजना गरियो। उक्त अभिनन्दन यात्रामा प्रदेश अध्यक्ष दिलीप घोष मुख्य रूपमा उपस्थित थिए। फालाकाटाको धुपगुड़ी मोड़बाट उक्त अभिनन्दन यात्रा शुरू गरेर यहाँको विभिन्न इलाकाहरूको परिक्रमा गरेपछि अन्तमा फालाकाटा चौपथी पुगेर समापन गरियो। उक्त अभिनन्दन यात्रामा दिलीप घोषलगायत कुचबिहारका सांसद निशिथ प्रमाणिक, अलिपुरद्वारका सांसद जोन बारलालगायत हजारौँको संख्यामा भाजपा कार्यकर्ताहरू उपस्थित थिए।