फ्लाई ओभर ब्रिज, अन्डरपास लगायत 3 सूत्रीय मागमा रेलवे अधिकारीलाई ज्ञापन

सिलगढी : सिलगढी नजिकै राङ्गापानी अञ्चलमा रहेको रेलगेटले गर्दा धेरै दिन अघिदेखि साधारण मानिसहरू जामको समस्यासित जुझिरहेका छन्। यसैले चाँडै उक्त इलाकामा फ्लाई ओभर ब्रिज निर्माण गरिनुपर्ने माग गर्दै दार्जिलिङ जिल्ला सीपीआईएम-ले आज रेलवे अधिकारीसित भेट गरेर एउटा ज्ञापन पत्र चढायो। संगठनको तर्फबाट 3 सूत्रीय मागमा रेलवे अधिकारीलाई एउटा ज्ञापन पत्र चढायो। संगठनको तर्फबाट जीवेश सरकारले बताएअनुसार उक्त इलाकामा फ्लाई ओभर ब्रिज लगायत एउटा अन्डरपासको आवश्यक रहेको छ। यसको साथै एनजेपी स्टेशनलाई नयाँ रूपमा सजाउने रेल विभागले पहल गरेकोले त्यहाँ बसोबासो गर्दै आइरहेका मानिसहरूलाई उच्छेद नगरियोस् भन्ने विषयमा रेलवे विभागले विचार गर्ने तिनले अपील पनि गरे।