फुलबारी बटतला पुजा कमिटी-द्वारा बसन्ती पुजाको आयोजना

राजगञ्ज : राजगञ्ज ब्लकको फुलबारी 2 नम्बर ग्राम पञ्चायतको फुलबारी बटतला पुजा कमिटीको तर्फबाट बसन्ती पुजाको आयोजना गरियो। यस विषयमा पुजा कमिटीका सदस्य रोहित साहाले बताएअनुसार यस वर्ष उक्त कमिटीको बसन्ती पुजाले तेस्रो वर्षमा पाइला टेकेको छ। गत दुई वर्षदेखि कोरोना महामारीले गर्दा बासन्ती पुजा सामान्य रूपमा पालन गरे तापनि यस वर्ष कोरोनाको संक्रमण कम्ती रहेकोले धुमधामको साथमा बसन्ती पुजाको आयोजना गरिएको छ। फुलबारीबाट धेरै संख्यामा मानिसहरू यहाँ पुजा गर्न आउने गर्दछन् भने भक्तहरूको लागि प्रसादको पनि व्यवस्था गरिएको तिनले बताए।