फूलबाडीमा घरमा राखेको ठाउँबाट टोटो चोरी

फूलबारी, 27 दिसम्बर (निसं): घरमा राखेको ठाउँबाट नै टोटो चोरी भएपछि इलाकामा सनसनी मच्चिएको छ। यो घटना बिहीबार राति फूलबाडी 2 नम्बर ग्राम पञ्चायत अन्तर्गत पश्चिम धनतला क्षेत्रमा घटेको हो। प्राप्त जानकारी अनुसार फूलबाडीको पश्चिम धनतला गाउँका वासिन्दा सुशान्त कर्मकार टोटो चलाएर आफ्नो परिवारको पालन पोषण गर्छन्। हरेक दिन झैं उनी टोटो चलाएर गत राति घर फर्किए पछि टोटो घरभित्र राखेर सुतेका थिए। आज बिहान उठेर हेर्दा घरको सामु राखेको टोटो देखेनन्। यसपछि धेरै स्थानमा टोटोको खोजी गरे, तर केही थाहा लागेन। त्यसपछि उनले सम्पूर्ण घटनाको लिखित जानकारी गराउँदै एनजेपी थानामा एफआईआर दर्ता गराए। टोटो चोरी भएपछि सुशान्त कर्मकार असहाय बनेका छन्। अभियोगको आधारमा एनजेपी पुलिस घटनाको जाँचमा जुटेको छ।