फुलबारीमा झुण्डेको अवस्थामा व्यक्तिको शव उद्धार

राजगञ्ज : राजगञ्ज ब्लकको फुलबारी 2 नम्बर ग्राम पञ्चायतको पूर्व धर्मतलाको जयनगर कोलनीमा आज एकजना व्यक्तिको झुण्डेको अवस्था शव उद्धार भएको छ। मृतक व्यक्ति 40 वर्षीय स्वपन बनिकको रूपमा चिन्हित गरिएको छ। प्राप्त जानकारीअनुसार आज बिहान परिवारका सदस्यहरूले घरको मन्दिर कोठामा स्वपनको झुण्डेको अवस्थामा शव देखेपछि न्यु जलपाईगढी थाना पुलिसलाई खबर दिए। घटनाको खबर पाएर पुलिस घटनास्थलमा पुगेर शव उद्धार गरेर पोस्टमार्टमको लागि उत्तरबंग मेडिकल कलेज एवम् अस्पतालमा पठाउनको साथै घटनाको जाँच शुरू गरेको पुलिस सूत्रले जनाएको छ। परिवार सूत्रले दिएको जानकारीअनुसार पारिवारिक अशान्ति एवम् ऋणले गर्दा केही दिनदेखि मानसिक अवसादले पीडित रहेकोले आत्महत्या गरेको हुनसक्ने बताइएको छ।