फुलबारी टिस्टा क्यानलबाट अज्ञात महिलाको शव उद्धार

फुलबारी : फुलबारी टिस्टा क्यानलबाट अज्ञात महिलाको शव उद्धार भएको छ। आज साँझ फुलबारी बाइपासको टोल प्लाजा संलग्न टिस्टा क्यानलबाट उक्त शव उद्धार भएको हो। तथापि, उक्त महिलाको परिचय जुटाउन सकेको छैन। स्थानीय मानिसहरूले सर्वप्रथम शव देखेपछि यसबारे पुलिसलाई खबर दिए। घटनाको खबर पाएर न्यु जलपाईगढी थाना पुलिस घटनास्थलमा पुगेर शव उद्धार गरेपछि पोस्टमार्टमको लागि पठाउनको साथै घटनाको जाँच शुरू गरेको पुलिस सूत्रले जनाएको छ।