जी-20 सम्मेलनमा अंश ग्रहण गर्न राज्यपाल सीभी आनन्द बोस बाघडुग्रा आइपुगेपछि दार्जिलिङ प्रस्थान

सिलगढी : सिलगढीमा आजदेखि जी-20 सम्मेलन शुरू भएको छ। उक्त सम्मेलनमा अंश ग्रहण गर्नको लागि विभिन्न देशबाट 151 जनाको एउटा प्रतिनिधि टोली सिलगढी आइपुगेका छन्। प्रतिनिधि टोलीका सदस्यहरूले उत्तरको पर्यटन लगायत मकैबारी चियाकमान एवम् विभिन्न पहाडी इलाकको निरीक्षण गर्नेछन्। यसको साथै उक्त प्रतिनिधि टोलीले दार्जिलिङको राजभवनको पनि निरीक्षण गर्ने सम्भावना रहेको छ। यसैले राज्यपाल सीभी आनन्द बोस पनि आफ्नी स्वास्नीको साथमा सिलगढी आइपुगेका छन्। तिनी आज कोलकाताबाट विमानमार्फत् बाघडुग्रा विमानअड्डामा आइपुगेपछि दार्जिलिङको राजभवनतर्फ प्रस्थान गरे। यसभन्दा अघि विमानअड्डामा पत्रकारहरूसित कुराकानी गर्दै हावडा घटनाबारे तिनले भने, हाल परिस्थिति नियन्त्रणमा रहेको छ। पुलिसद्वारा इलाकाको मनिटरिङ गरिरहेको छ।