घरबाट बोलाएर लगेपछि युवकको हत्या गरेको आरोप, उचित जाँच गरिनुपर्ने परिवारको माग

सिलगढी (निसं): कामको लागि घरबाट बोलाएर लगेपछि एकजना युवकको हत्या गरेको अभियोग उठेको छ। उक्त घटना सिलगढीको 32 नम्बर वार्ड अन्तर्गत ज्योतिर्मय कोलनीमा घटेको हो। मृतक युवकको नाम अभिजीत देवनाथ (22) बताइएको छ। प्राप्त जानकारी अनुसार गत 5 मार्चमा डम्पर चालक राजेश दासले अभिजीतलाई कामको लागि बोलाएको थियो। यसपछि गत 8  मार्चमा अभिजीतको सडक दुर्घटनामा मृत्यु भएको परिवारका सदस्यहरूले खबर पाएपछि मेडिकलमा गएर हेर्दा अभिजीतको शरीरमा चोटको केही निशानहरू भेट्टाए। परिवारका सदस्यहरूको आरोप अनुसार डम्पर चालक राजेश दासले युवकको हत्या गरेको हो। घटनापछि मृतकका परिवारका सदस्यहरूले एनजेपी थानामा लिखित अभियोग दर्ता गर्नको साथै घटनाको उचित जाँच गरेर आरोपीलाई कठोर सजाय दिनुपर्ने माग गरेका छन्।