घैयाबारीका भूतपूर्व सैनिकहरूद्वारा सहिदहरूलाई श्रद्धाञ्जलि अर्पण

तीनधारे (निसं) : प्राकृतिक आपदा पैह्रोको चपेटमा परेर मणिपुरमा कार्यरत् 107 बटालियन टेरोटोरियल आर्मीको सहिद बनेका गोर्खा जवानहरूलाई खरसाङ महकुमा अन्तर्गत घैयाबारीको भूतपूर्व सैनिकहरूद्वारा श्रद्धाञ्जलि अर्पण गरियो।  उक्त श्रद्धाञ्जलि कार्यक्रममा घैयाबारीका भूतपूर्व सैनिक अनि अर्ध सैनिकहरूद्वारा गठित कारगिल एनजीओको आयोजनामा घैयाबारी रेलवे स्टेशन परिसरमा सम्पन्न गरियो।

उक्त कार्यक्रममा भूतपूर्व सैनिकहरूद्वारा सहिदहरूको तस्विरमा धुप दीप प्रज्ज्वलन गरेर एक मिनटको मौन धारण गरी श्रद्धाञ्जलि अर्पण गर्दै आत्मा शान्तिको लागि मौन प्रार्थना पनि गरियो। यस कार्यक्रममा भूतपूर्व सैनिकद्वारा आ-आफ्नो वक्तव्य राख्दै सहिदहरूलाई श्रद्धाञ्जलि अर्पण गरियो। कार्यक्रममा शिक्षक दिनेश प्रधान र राजु छेत्रीले आ-आफ्नो वक्तव्य राखे। सभापछि पत्रकारहरूसित कुराकानी गर्दै भूतपूर्व सैनिक संगठनको पक्षबाट रमेश प्रधानले विस्तृत रूपमा जानकारी गराए।