घूम जोरबङ्लो पिपल्स अर्गनाइजेसन टोलीद्वारा दार्जिलिङको बतासे एफएम केन्द्रको निरीक्षण

दार्जिलिङ: घूम जोरबङ्लो पिपल्स अर्गनाइजेसन टोलीले आज बतासे एफएम केन्द्रको निरीक्षण गऱ्यो। दार्जिलिङको घूम बतासेमा अवस्थित अल इन्डिया रेडियो खरसाङद्वारा सञ्चालित 2016-17 सालदेखि शुरू गरिएको उक्त एफएम केन्द्रमा घूम जोरबङ्लो पिपल्स अर्गनाइजेसनका पाँच सदस्यीय टोलीले एफएम अधिकारी विकास मणि प्रधानसँग भेट गरेको सभापति साङ्गे डुक्पाले जानकारी दिएका छन्। आजको भेट अवधि एफएम केन्द्रका अधिकारीहरूले हाल कार्यालयमा 6 जना कर्मचारीहरूले मात्र काम गरिरहेका साथै कतिपय तकनिकी समस्याहरू रहेको बारे अवगत गराए। विगत साल दुरदर्शन केन्द्र बन्द भएपछि त्यस कर्मचारीहरूलाई एफएम केन्द्रमा बद्ली गरिएको थप अधिकारीले जनाएको बताइएको छ। पिपल्स अर्गनाइजेसनलाई अधिकारीहरूले दिएको जानकारी अनुसार एफएम-को प्रसारण समय बिहान 7 बजीदेखि बेलुकी 7 बजेसम्म रहेको बताए। आकाशवाणी खरसाङले विशेष रोचक बिषयमा आफ्नो नेपाली भाषाको कार्यक्रममा अझ जोर दिनुपर्ने पिपल्स फोरमले अनुरोध गरेको यसको साथै पहाडका स्थानीय कलाकारहरूलाई महत्व दिनुपर्ने बारे थप सुझाउ दिएको जानकारी दिएको छ। अर्कोतिर, पिपल्स अर्गनाइजेसनले कालेबुङमा झट्टै एफएम रिले केन्द्र निर्माण गरिनु पर्ने दार्जिलिङका सांसद राजु विष्टप्रति माग राखेको छ। आज भेट गर्ने प्रतिनिधि टोलीमा सभापति साङ्गे डुक्पा, महासचिव ठेण्डुप वाङदी, उप सभापति जय कुमार थामी, प्रमुख सल्लाहकारमा पासाङ भोटिया, सञ्जय रसाइली, लाक्पा छिरिङ आदिको उपस्थिति रहेको थियो।