गोजमुमो सुके मानेभञ्ज्याङ समष्टिको साङ्गठनिक सभा

पोख्रेबुङ: गोर्खा जनमुक्ति मोर्चा सुके मानेभञ्ज्याङ समष्टि समितिको सभा समष्टि प्रमुख पेम्बा शेर्पाको अध्यक्षतामा सुकिया बजारको युवक संघ भवनमा आयोजना गरियो। सभामा वक्ताहरूले आ-आफ्नो विचार व्यक्त गर्दै अब उसो समष्टि अन्तर्गत रहेका ब्लक कमिटी, शाखा-प्रशाखाहरु तीव्रताको साथ गठन गरेर पार्टीलाई दह्रिलो बनाउनु समयको माग रहेको बताए। हालसम्म पनि पार्टी अध्यक्ष अनि पार्टीले मुद्दालाई आत्मसात गरेको साथै यस्तो ईमान्दारिता अन्य पार्टीमा नरहेको दावी गर्दै विमल गुरुङमाथि मात्रै विश्वभरि छरिएर बसेका गोर्खे सन्तानको आस्था र भरोसा अमिट भएर बसेको वक्ताहरूले बताए। अबोप्रान्त समष्टि कमिटी सक्रिय अनि जागरुक बनेर सङ्गठनको सुदृढीकरण गर्ने निधो गरेको गोजमुमो सुके मानेभञ्ज्याङ समष्टिले जनाएको छ । आजको सभामा समष्टि कमिटी लगायत ब्लक कमिटीका प्रतिनिधि एवं सुके बजार टाउन कमिटी नारी अनि युवा मोर्चाका प्रतिनिधिहरु व्यापक रूपमा उपस्थित थिए।