गोरामुमो अध्यक्ष मन घिसिङ, विधायक जिम्बा लगायत अन्यद्वारा रूपेन चौहानलाई श्रद्धाञ्जलि

सुकेपोखरी: गोर्खा राष्ट्रिय मुक्ति मोर्चाका कर्मठ सदस्य तथा धजे उच्चतर माध्यमिक विद्यालयका सह शिक्षक रूपेन चौहानलाई श्रद्धाञ्जलि अर्पण गर्न गोरामुमो अध्यक्ष मन घिसिङ धजे बस्ती तिनको वासस्थानमा पुगे। तिनको निधनमा गहिरो शोक व्यक्त गर्दै चौहानको निधनले गोर्खा राष्ट्रिय मुक्ति मोर्चालाई ठूलो क्षति पुगेको घिसिङले बताए। दिवंगत चौहान हरियो झण्डा प्रेमी साथै जाति र माटोको निम्ति समर्पित योद्धा थिए। गोरामुमोका संस्थापक अध्यक्ष सुबास घिसिङको सिद्धान्त, नीति अनि कार्यशैलीलाई अतिनै प्रेम गर्ने व्यक्ति चौहानको निधनले म लगायत मेरो दल अतिनै दुखित बनेका मन घिसिङले बताए। उच्चतर माध्यमिक शिक्षक संगठनको सदस्य समेत रहेका चौहान एक मिलनसार, अनुशासित अनि कर्तव्यनिष्ठ कर्मठ सदस्यलाई गुमाउनु पर्दा अतिनै दुख लागेको घिसिङले बताए। यसैगरी, श्रद्धाञ्जली अर्पण गर्न विधायक निरज जिम्बा लगायत गोरामुमो प्रवक्ता महेन्द्र छेत्री, केन्द्रीय सदस्य एमजी सुब्बा, वाई लामा,सचित गहतराज, थेबा तामाङ, गोरामुमो खरसाङ ब्राञ्च कमिटीका अध्यक्ष निमा लामा, गोर्खा राष्ट्रिय नारी संगठन दार्जिलिङ ब्राञ्च कमिटीका अध्यक्षा बसुन्धारा प्रधान, गोर्खा राष्ट्रिय युवा मोर्चा दार्जीलिङ ब्राञ्च कमिटीका अध्यक्ष सुरज छेत्री,सचिव संजय खवास, गोरामुमो दार्जीलिङ ब्राञ्च कमिटीका प्रवक्ता प्रभास्कर ब्लोन, दार्जीलिङ ब्राञ्च कमिटीका अमर राई आदि उपस्थित थिए ।