गोरामुमो दार्जिलिङ ब्राञ्च कमिटीको साङ्गठनिक सभा

दार्जिलिङ: गोरामुमो दार्जिलिङ ब्राञ्च कमिटीको साङ्गठनिक सभा आज ब्राञ्च कमिटी अध्यक्ष एमजी सुब्बाको अध्यक्षतामा पार्टी कार्यालयमा सम्पन्न भयो। सभामा चौधवटा समष्टिका पार्टी अध्यक्ष अनि सचिवहरुलाई लिएर बसेको साङ्गठनिक सभामा पार्टीको विस्तार अनि राजनैतिक गतिविधि विषयलाई लिएर व्यापक छलफल गरियो। आजको सभामा सबै समष्टिहरुमा पार्टीको राजनैतिक कार्यक्रमहरु तीव्रताको साथ कार्य गर्ने अनि सङ्गठनलाई अझ मजबुत बनाउन राजनैतिक गतिविधिहरुलाई समष्टिमा पुर्‍याउने सभाले प्रस्ताव पारित गरेको बताइएको छ। यसको साथै पार्टी अध्यक्ष मन घिसिङको निर्देशन अनुसार आगामी 5 अप्रेल 2022 को दिन दार्जिलिङ, खरसाङ, कालेबुङ र मिरिकमा पार्टीको स्थापना दिवस मनाइने साथै दार्जिलिङ ब्राञ्च कमिटीले पनि भव्य रुपमा स्थापना दिवस मनाउने आजको सभाले प्रस्ताव पारित गरेको छ। सभापछि ब्राञ्च कमिटीका प्रवक्ता संजोक गुरुङले यसबारे जानकारी गराएका छन्।