गोर्खाहरूलाई कोल्टे नजरले हेर्ने राजनैतिक शक्ति विरुद्ध हामी संघर्षरत छौँ: विक्रमादि राई

दार्जिलिङ: दार्जिलिङ जिल्लाको तकभर समष्टि अन्तर्गत सिङ्गला चियाकमानमा आज गोर्खा जनमुक्ति मोर्चाले गोर्खा संयुक्त गठबन्धनको चुनावी सभा सम्पन्न गर्यो। उक्त चुनावी सभामा गोर्खा जनमुक्ति मोर्चा अध्यक्ष बिमल गुरूङ विशेष रूपमा उपस्थित थिए भने हाम्रो पार्टीका केन्द्रीय सांगठनिक सचिव विक्रमादि राई लगायत अन्य नेतृत्वहरू उपस्थित थिए। सभालाई सम्बोधन गर्दै हाम्रो पार्टीका केन्द्रीय सांगठनिक सचिव विक्रमादि राईले भने, पहाडमा सम्पन्न हुन गइरहेको पञ्चायत चुनाउमा हाम्रो चुनावी संघर्ष भागोप्रमो विरुद्ध होइन तर तिनीहरूको काँधमा बन्दुक राखेर पडकाउने शक्ति विरुद्ध हो। चुनाउ जित्नलाई  झुटो प्रलोभनहरू देखाउने गरेको दृश्यहरू पनि हामीले देख्दैछौँ। भागोप्रमोको काँधमा बन्दुक राखेर पडकाउने जुन राजनैतिक शक्ति छन् तिनीहरूले हामी गोर्खाहरूलाई जहिले पनि कोल्टे नजरले हेर्ने गर्छन्, त्यो राजनैतिक शक्ति विरुद्ध हाम्रो संघर्ष रहेको छ। हामी जातिय अस्तित्वको संघर्षमा छौँ तर हरि लठक्कहरूलाई जातिया अस्तित्व बारे कुरा गर्न बेकार छ भन्दै राईले बताए। तिमी पनि गोर्खा नै हो तर अरूले जे जे भन्छ त्यो तिमी नमान, गोर्खा जातिया अस्तित्वको बारेमा पनि सोच्ने गर विक्रमादि राईले भने।