गोर्खा राष्ट्रिय युवा मोर्चाद्वारा लगाइयो खरसाङ क्षेत्रमा पार्टीको झण्डा

खरसाङ : गोर्खा राष्ट्रिय युवा मोर्चा (गोरायुमो)-ले आज खरसाङमा पार्टीको झण्डा तथा फ्लेक्स लगाउने कार्य गरियो। गोरामुमोको युवा एकाईको तर्फबाट पार्टीको झण्डा लगाउने कार्य पहाड़भरि गरिरहेका छन् र यसै क्रममा युवा एकाईको तर्फबाट खरसाङ शहरलगायत छेउ-छाउमा पार्टीको झण्डा लगाउने कार्य गरियो। आगामी 31 जनवरीको दिन गोरामुमोको संस्थापक अध्यक्ष सुवास घिसिङको पुण्यतिथिको अवसर पारेर दार्जीलिङमा जनसभा गर्ने भएकोले उक्त झण्डा लगाउने कार्य हाल पहाडभरि नै सम्पन्न गरिएको बताएको छ। यस विषयमा पत्रकारहरूसित बोल्दै गोरायुमो-का प्रतिनिधि प्रवेश राईले दिवंगत सुवास घिसिङको पुण्यतिथिको दिन आगामी 31 जनवरीमा पार्टीको दार्जीलिङमा जनसभा गरिने भएको बताए। उक्त जनसभामा सबैलाई उपस्थित भइदिने आह्वान् गर्दै तिनले हाल पार्टीको झण्डाहरू लगाउने कार्य गरिएको बताए।