जीटीए सभाको बैठकबाट विपक्षी सभासदहरूले गरे वकआउट

दार्जिलिङ (निसं): दार्जिलिङको गोर्खा रंगमञ्च भवनमा आयोजित जीटीए सभाको बैठकबाट आज 9 जना विपक्षी सभासदहरूले वकआउट गरे। यसबारे हाम्रो पार्टीका अध्यक्ष तथा सभासद अजय एडवार्डसले जानकारी दिँदै बताए अनुसार बंगाल विधानसभामा गत 6 मार्चको दिन बंगाल विभाजनको विरोधमा राज्यको टीएमसी-का एकजना मन्त्रीले भारतीय गोर्खाहरूलाई अनुप्रवेशकारी भन्ने लगाएको आरोपको प्रतिवादमा आजको जीटीए सभामार्फत पारित गरेर बंगाल विधानसभामा पठाउनु पर्ने टीएमसी-का पूर्व नेता तथा सभासद विनय तामाङले राखेको मागलाई भागोप्रमो-का सभासदहरूले अस्वीकार गरेपछि विपक्षी सभासद अजय विनयहरूले जीटीएको सभाबाट वक आउट गरे। अर्कोतिर, जीटीए सभाका उपाध्यक्ष राजेश चौहानले बताए अनुसार यसलाई ‘वक आउट’ भन्न नमिल्ने किनभने आज जीटीएको सभामा विशेष गरेर सात वटा विषयलाई लिएर चर्चा गरेपछि सभाले पारित गरिसकेकोले प्राय: सभा समाप्त भइसकेको अवधि सभासद विनय तामाङले प्रस्ताव राखेपछि लगत्तै तिनीहरू कुनै प्रतिउत्तर नसुनेर बाहिर निस्किएका थिए।