हाम्रो जग्गाको सर्वेक्षण गराउनु अनुचित हो: बौद्ध धर्मगुरु पेम्बा रिम्पोछे

खरसाङ (निसं): हाम्रो जग्गाको सर्वेक्षण गराउनु अनुचित हो भनी बैद्ध धर्मगुरु पेम्बा रिम्पोछेले बताएका छन्। तिनले खरसाङमा पत्रकारहरूसँग कुराकानी गर्दै केन्द्र र राज्य सरकारले गोर्खाहरूलाई अहिलेसम्म न्याय नदिएको विषयलाई जनताले ठीकसँग सम्झनुपर्ने बताए। तिनले पर्जा-पट्टा सम्बन्धमा भने,  हाम्रो जग्गाको सर्वेक्षण भएमा पाँच डेसिमलभन्दा माथिको जग्गा सरकारको हुनेछ। तपाईंले जग्गा सर्वेक्षण रोक्नुपर्छ भने हामीलाई तपाईंले जनाउनुपर्छ। तिनले आरोप लगाउँदै भने, केन्द्र र राज्य सरकारबाट गोर्खाहरू र दार्जिलिङका पहाडी क्षेत्रमा चलिरहेका चिया बगानहरूमा काम गर्ने श्रमिकहरूलाई बिरालोले मुसो खेलाउने कार्य गरेका छन्। हाम्रो पूर्वजहरूले यो जग्गामा सिँचेका हुन्छन्। यो जग्गामा हाम्रो पूर्ण हक छ। यो न त भारत सरकारको हो न पश्चिम बंगाल सरकारको। हाम्रोलाई सरकारी सुविधाहरू पनि प्राप्त हुँदैनन्। यसले हाम्रो जग्गामा सर्वेक्षण गराउनु अनुचित हो। अन्ततः धर्मगुरु पेम्बा रिम्पोछे भने, जीटीए सरकारको प्रबन्धमा छ। सरकारको हितमा जीटीएले पूर्ण रूपमा काम गर्न जारी राखेको छ। तर गाउँ-घरमा रहेका केही ब्रोकरहरूको कारण भविष्यमा चिया बगानमा काम गर्ने श्रमिकहरूले कष्ट भोग्नु पर्ने सम्भावना छ। यसकारण गाउँ-गाउँमा रहेका ब्रोकरहरूदेखि श्रमिकहरूलाई सतर्क रहन र सचेत रहन आवश्यकता छ।