हात्तीको हमलामा दोकान अनि घर क्षतिग्रस्त

अलीपुरद्वार, 24 अगस्त (निसं): डुवर्सका विभिन्न ठाउँमा रहेको चिया बगानका घरहरूमा जङ्गली हात्तीको हमला जारी छ। शुक्रवार राति अनि आज बिहान फेरि हात्तीले डुवर्सको चुवापाडा चिया बगानको 9 नम्बर लाइनमा प्रवेश गरेर ताण्डव मच्चाएको छ। हात्तीको हमलामा 2 वटा दोकान अनि एउटा घर क्षतिग्रस्त भएको छ। स्थानीय गाउँलेहरूले बताए अनुसार शुक्रवार अबेर राति जङ्गली हात्ती बक्सा जङ्गलबाट निक्लिएर आवसीय इलाकामा प्रवेश गऱ्यो। यसपछि हात्तीले 9 नम्बर लाइनमा प्रवेश गरेर घर तथा दोकानहरू भत्काइदिएको छ।