ईद भन्दा अगावै सिलगढीको मस्जिदहरूमा सेनिटाइज

सिलगढी : सिलगढीका नाटककार ऋषि कानुनगोको पहलमा आज ईद भन्दा अगावै सिलगढीको मस्जिदहरूमा सेनिटाइज गरियो। कवि सङ्गीता पालको आत्मा शान्तिको कामनाको लागि उक्त पहल गरिएको हो। भोलि 14 मई मुस्लिम सम्प्रदायका मानिसहरूको सबैभन्दा ठुलो पर्व ईद हो।

हाल कोरोना परिस्थितिलाई ध्यानमा राखेर मुस्लिम समुदायका मानिसहरूले स्वस्थ रूपमा नमाज पढोस् भन्ने उद्देश्य लिएर उक्त पहल गरिएको बताइएको छ। आज सिलगढीको धेरैवटा मस्जिद तथा यसको संलग्न इलाकाहरूमा सेनिटाइज गरिएको छ।