आईएनटीटीयूसी-ले एनजेपीको राजा होली घटनाका दोषीहरूलाई पक्रिनु पर्ने मागमा सुम्पियो ज्ञापन

सिलगढी, 5 नोभेम्बर : सिलगढी एनजेपीको राजा होलीमा एकजना व्यक्तिको हत्या भएको मामिलामा दोषीहरूलाई शिघ्र पक्राउ गरिनु पर्ने माग गर्दै सोमवार राति आईएनटीटीयूसी टाउन ब्लक 3-को तर्फबाट एनजेपी थानामा ज्ञापन चढायो।
स्मरण रहोस, गत शुक्रवार एनजेपीको राजा होली इलाकामा ‘दादागिरी ट्याक्स’ को माग गरेको विषयलाई लिएर मोहम्मद जुहुरी नामक एकजना व्यक्तिलाई कुटेर हत्या गरिदिएको थियो। केही युवकहरूले 500 रुपियाँको माग गरेका थिए तर रुपियाँ नदिए पछि विवाद शुरू भएको अनि त्यसपछि मृतकको परिवार अनि आरोपी युवकहरूमाझ झगडा भएको थियो। उक्त अवधि व्यक्ति गम्भीर रूपले घाइते भएका थिए। यसपछि तिनलाई सिलगढी जिल्ला अस्पतालमा लगियो, जहाँ तिनको मृत्यु भएको आरोप रहेको छ। घटना पछि मृतकको परिवारले एनजेपी थानामा अभियोग दर्ता गरेको थियो, तर हालसम्म पनि आरोपीहरूलाई पक्राउ नगरेको बताइएको छ।
उक्त घटनाको विरोधमा आईएनटीटीयूसी टाउन ब्लक 3-का सदस्यहरू गत राति एनजेपी थाना पुगे अनि दोषीहरूलाई पक्राउ गरिनु पर्ने माग गर्दै एउटा ज्ञापन पनि सुम्पिएको छ।