जलजीवन मिशन परियोजनामा भ्रष्टाचारको आरोप, भाजपाले खोरीबाडीका बीडीओ-लाई बुझायो ज्ञापन

खोरीबारी, 18 सेप्टेम्बर (निसं): भाजपाको खोरीबारी-बुरागञ्ज मण्डल समितिले प्रधानमन्त्री जलजीवन मिशन परियोजनामा धेरै भ्रष्टाचार भएको आरोप लगाउँदै खोरीबारीका बीडीओ-लाई 7 सूत्री मागहरूको समर्थनमा एउटा ज्ञापन बुझाएको छ। आज भाजपा नेताहरू र कार्यकर्ताहरूले खोरीबारी भाजपा पार्टी कार्यालयबाट एउटा रैली निकालेर बीडीओ कार्यालयका सामु पुगे अनि त्यहाँ विरोध प्रदर्शन गरे।
कथित रूपमा, केही घरमा पानीका पाइप कहिले काहीँ पुराना त, कहिलेकाहीँ फलाम र प्लास्टिकका पाइप प्रयोग गरिएको छ। शिलान्यास गर्नु अघि नयाँ बनाइएको पानी ट्याङ्कीबाट पानी चुहाइरहेको छ। ठेकेदारहरूले नललाई मजबुत बनाउन पुराना कपडा प्रयोग गरिरहेका छन्। खोरीबारी-बुरागञ्ज मण्डल अध्यक्ष कल्याण कुमार प्रसादले चेतावनी दिँदै भने, जलजीवन मिशन परियोजनामा भ्रष्टाचार रोक्नका लागि ब्लकका सबै पञ्चायत सदस्यहरूले बैठक गरेर 10 दिनको अवधिमा सही जानकारी दिनु पर्नेछ, नभए ठूलो आन्दोलन गर्नेछौ।