जलपाईगढीमा बिजुलीको झट्का लागेर एकजना गम्भीर घाइते

जलपाईगढी : बिजुलीको कार्य गरिरहेको समय करेन्ट लागेर 45 वर्षीय नरेश राय नाम गरेका एकजना विद्युत कर्मी गम्भीर घाइते भएका छन्। प्राप्त जानकारीअनुसार आज बिहान नरेश राय तिनका सहकर्मी जलपाईगढी कलेजपाडा इलाकामा बिजुलीको कार्य गर्न गएका थिए। बिजुलीको पोलमा चढ्दा नरेशको हातमा बिजुलीको झट्का लागेर गम्भीर रूपमा घाइते भएको बताइएको छ। यसपछि सहकर्मीले तुरून्तै बिजुलीको लाइन बन्द गरेर डोरीको सहयोगमा नरेशलाई तल झारेपछि जलपाईगढी सुपर स्पेशिलियटी अस्पतालमा भर्ना गराएको छ। अस्पताल सूत्रअनुसार घाइते नरेश रायको अवस्था आशंकाजनक रहेको छ।