जलपाईगढीमा हावा हुन्डरीसितै पानी परेपछि धेरैवटा रुख तथा बिजुलीको खाँबो लड्दा धेरैवटा ठाउँमा विद्यु विच्छिन्न

जलपाईगढी : आज दिउँसो जलपाईगढीमा हावा हुन्डरीसितै पानी परेपछि यहाँको केही ठाउँहरूमा रुखहरू तथा बिजुलीको खाँबोहरू लडेपछि धेरैजसो इलाकामा विद्युत विछिन्न बन्न पुगेको छ। प्राप्त जानकारीअनुसार आज दिउँसो हावा हुन्डरीसितै पानी परेकोले गर्दा जलपाईगढीको कदमतला संलग्न इलाकाको 5 वटा बिजुलीको खाँबो लड्नको साथै एउटा रुख लड्दा केही समयको लागि यातायात बाँधित बन्न पुगेको थियो।

विद्युत विभाग तथा नगरपालिकाले रुख काट्ने कार्य शुरू गरेको लगभग 2 घण्टापछि उक्त सडक भएर यातायात पुनः शुरू भएको बताइएको छ। अर्कोतिर, सहरको पान्डा इलाकामा बिजुलीको खाँबो तथा रुख लडेपछि युद्धस्तरमा त्यसलाई हटाउने कार्य चलिरहेको छ।