जलपाईगढी नगरपालिका इलाकामा 4 दिनको अवधि 80 जना कोरोना संक्रमित

जलपाईगढी :  गत 4 दिनको अवधिमा जलपाईगढी नगरपालिका इलाकामा मोठ 80 जना कोरोना संक्रमित भएको छ। जलपाईगढी नगरपालिका क्षेत्रमा गत 24 घण्टामा 23 जना मानिसहरू कोरोना संक्रमित भएकोले जिल्ला स्वास्थ्य विभाग चिन्तित बन्न पुगेको छ। दुर्गा पुजापछि जलपाईगढी सहरमा कोरोना संक्रमणहरूको संख्या बढ्न सक्ने जिल्ला स्वास्थ्य विभाग तथा नगरपालिकाको आशंका रहेको थियो। जिल्लामा दिनदिनै कोरोना संक्रमणको संख्या बढ्दै गइरहेको छ भने गत 4 दिनको अवधि सहरमा मोठ 80 जना मानिसहरू कोरोना संक्रमित भएका छन्। जलपाईगढी सहरको एकमात्र कोभिड अस्पतालमा हाल कोरोना संक्रमितहरूको संख्या निक्कै बढेको छ भने हालसम्म जलपाईगढी सहरमा कोरोना संक्रमितहरूको संख्या 750 रहेको बताइएको छ।