जलपेश मन्दिर जाँदा प्राण गुमाउने श्रद्धालुहरूलाई आर्थिक सहयोग प्रदान गरिनेछ :  मन्त्री अरूप विश्वास

सिलगढी : जलपेश मन्दिरमा जल चढाउन गइरहेको समय जेनेरेटरमा सर्ट सर्किट हुँदा 10 जना श्रद्धालुहरूको मृत्यु भएको छ भने अन्य धेरैजना घाइते भएका छन्। उक्त दुर्घटनापछि मुख्यमन्त्रीको आदेश अनुसार विद्युत मन्त्री अरूप विश्वास आज कोलकाताबाट बाघडुग्रा हवाईअड्डामा ओर्लिएपछि त्यहाँबाट सोझै जलपाईगढी सुपर स्पेशियलिटी अस्पतालको लागि प्रस्थान गरे। बाघडुग्रा हवाईअड्डामा पत्रकारहरूसित कुराकानी गर्दै तिनले भने, उक्त दुर्घटनामा 10 जनाको मृत्यु भएको छ भने अन्य घाइतेहरूको जलपाईगढी सुपर स्पेशियलिटी अस्पतालमा उपचार चलिरहेकोले तिनीहरूसित भेट्न तथा स्वास्थ्यबारे जानकारी लिनको लागि आफू अस्पताल जाँदैछु। यसको साथै भोलि शीतलकुचीमा मृतकको परिवारका सदस्यहरूसित भेट गर्न जानेछु। मृतकको परिवारका सदस्यहरूलाई आर्थिक सहयोग प्रदान गरिने साथै आवश्यक परे घाइतेहरूलाई उपचारको लागि कोलकाता लैजाने तिनले बताए।