जनताले परिवर्तन चाहेकोले हाम्रो पार्टी-को जीत निश्चित: प्रार्थी पुरण राई

मिरिक (निसं) : जीटीए सभाको चुनाउमा मिरिकको सौरेनी 25 नम्बर समष्टिका हाम्रो पार्टी-का उम्मेद्वार पुरण राईले नेताहरूसित वाक्कै–दिक्कै भइसकेकोले यसपाली जनताले परिवर्तन चाहेको दावी गरेका छन्। पत्रकारहरूसित आज सौरेनीमा कुराकानी गर्दै तिनले हाल आफ्नो समष्टीको विभिन्न ठाउँहरूमा चुनाउ प्रचार प्रसार तीव्र गतिमा भइरहेको बताए। यस चुनाउ प्रचार अवधि प्राय सबैजसो ठाउँहरुबाट सकारात्मक प्रतिक्रियाहरू आइरहेको तिनले बताएका छन्। हालसम्म समष्टिको अप्पर क्षेत्रमा लगभग प्रचार गरिसकेको अनि अब लोवर क्षेत्रमा प्रचार-प्रसार गर्ने कार्यक्रम रहेको हाम्रो पार्टीका उम्मेदवार पुरण राईले बताए। तिनले हाम्रो पार्टी अध्यक्ष अजय एडवार्ड भोली आइतवार परिवर्तन यात्रा अन्तर्गत मानिसहरूसित भेट गर्नको साथै चुनाउ प्रचार गर्नको लागि मिरिक सौरेनी आइपुग्ने जानकारी गराएका छन्। हाम्रो पार्टी अध्यक्ष एडवार्डसको आगमनले धेरै बल प्रदान हुने तिनले बताए। पहाडका जनता विगतका नेताहरूहरूसँग वाक्क भइसकेकोले यसपाली नयाँ अनुहारलाई जनताले रूचाउने तिनले बताए। तिनले आफ्नो जीत निश्चित रहेको पनि दावी गरेका छन्।