जीटीएबारे अमृत योञ्जनले दिएको बयानको बिमल खेमाका नेता नरेन्द्र काम्बाङद्वारा विरोध

रिम्बिक: राज्य सरकारले जीटीएको प्रशासक पदमा सुरेन्द्र गुप्तलाई पुन: नियुक्त गरेकोमा गोजमुमो बिमल खेमा रिम्बिक लोधोमा समष्टिले स्वागत जनाउनको साथै गोजमुमो (विनय खेमा) युवा मोर्चा सभापति अमृत योन्जनको बयानको विरोध रहेको गोजमुमो केन्द्रिय नेता नरेन्द्र काम्बाङले जनाएका छन। तिनले जारी गरेको विज्ञप्ति अनुसार, आन्दोलनकालदेखि पहाडको राजनीतिक अनि प्रशासनिक वेवस्ता सुचारु नचलेको हो। आन्दोलन देखि भङ्गालिएर विनय र अनितले लगभग चार वर्ष कुनै सल्लाह र वार्ता बिनै एकल निर्णय, एकल दल अनि सुश्री ममता ब्यानर्जीको अनुकम्पामा जीटीएको चौकी हत्याएको दावी गरिएको छ। विज्ञप्तिमा अझ भनिएको छ, चार वर्षमा पनि जनमानसले विनय अनितलाई स्वीकार नगरेको विगतको चुनाउहरुमा प्रष्ट भएपछि राज्य सरकारले जीटीए बारम्बार विनय अनितलाई नै सुम्पनु अराजक अनि अगणतन्त्रिक राजनैतिक प्रमाण हुने भएकोले विनय अनितलाई पुन: नियुक्ति नगरेकोमा सम्पुर्ण जनआदेशको कदर गरेको साथै राजनीतिक धर्म निर्वाह गरेकोमा राज्य सरकारलाई नरेन्द्र काम्बाङले धन्यवाद दिएका छन्।