कालेबुङमा 700 युवाहरू भाजपामा सामेल

कालेबुङ: कालेबुङको मारवाड प्यालेसमा आयोजित भाजपाको एउटा सभामा आज 700 भन्दा अधिक युवाहरूले भाजपालाई समर्थन जनाए। राजु राईको नेतृत्वमा गोजमुमो बिमल समूह लगायत अन्य विभिन्न पार्टी तथा विभिन्न समाजिक संस्थाका 700 भन्दा अधिक युवाहरूले भारतीय जनता पार्टीलाई समर्थन जनाएको दावी गरिएको छ। कालेबुङको मारवाड प्यालेसमा आयोजित सभामा आज भाजपा जिल्ला अध्यक्ष कल्याण देवानले तिनीहरूलाई पार्टीमा स्वागत जनाउँदै दलीय झण्डा प्रदान गरे। यस अवसरमा भाजपाका कालेबुङका शीर्ष नेतृत्वहरूसहित जिल्ला स्तरीय नेताहरूको उपस्थिति रहेको थियो।