खोरीबारीमा भाइद्वारा दाजुको हत्या, आरोपी भाइ पक्राउ

खोरीबारी : कोदालेले प्रहार गरेर दाजुको हत्या गरेको भाइविरुद्ध अभियोग उठेको छ। उक्त घटना खोरीबारीको दिवानभिटा गाउँमा घटेको हो। मृतकको नाम कृष्णकान्त मण्डल (23) र आरोपीको नाम रामानन्द (19) बताइएको छ। प्राप्त जानकारी अनुसार भाइको रुपियाँ लगेर रक्सी खाएर दाजु कृष्णकान्त घरमा आएपछि तिनीहरूमाझ झगडा शुरू भयो। यसपछि तिनीहरूमाझ हातापाई हुँदा भाइले कोदालेले प्रहार गर्दा घटनास्थलमै दाजुको हत्या भएको बताइएको छ। घटनाको खबर पाएर खोरीबारी थाना पुलिस घटनास्थलम पुगेर शव उद्धार गर्नको साथै आरोपी भाइलाई पनि पक्राउ गरेको छ। पक्रा परेका युवकलाई आज सिलगढी अदालतमा पेश गरियो। मृतकका बाबु खगेन मण्डलले बताएअनुसार धेरै दिनदेखि दुई दाजु-भाइ माझ झगडा भइरहेको थियो भने हिजो मातेको अवस्थामा रुपियाँलाई लिएर झगडा भएपछि यस प्रकारको घटना घटेको हो।