खोरीबारीमा हात्तीको हमलामा व्यक्ति घाइते

खोरीबारी : खोरीबारीमा हात्तीको हमलामा एकजना व्यक्ति घाइते भएका छन्। उक्त घटना आज बिहान खोरीबारी ब्लकको रानीगञ्ज ग्राम पञ्चायत अन्तर्गत मञ्जयजोतमा घटेको हो। घाइते व्यक्ति दुलालजोत निवासी 40 वर्षीय परिमल सिंहको रूपमा चिन्हित गरिएको छ। प्राप्त जानकारी अनुसार आज बिहान खेतीमा काम गरिरहेको समय जङ्गली हात्तीको हमलामा परेर परिमल सिंह घाइते भएपछि स्थानीय मानिसहरूको सहयोगमा तिनलाई बतासी प्राथमिक स्वास्थ्य केन्द्रमा लगेपछि त्यहाँबाट उत्तरबंग मेडिकल कलेज एवम् अस्पतालम रेफर गरिदिएको छ। घटनाको खबर पाएर खोरीबारी थाना पुलिस तथा टुकरियाझाड वन विभागका कर्मीहरू घटनास्थलमा पुगेका थिए।