खोरीबारीमा नदीबाट व्यक्तिको शव उद्धार

खोरीबारी : खोरीबारीमा एकजना व्यक्तिको शव उद्धार भएको घटनालाई केन्द्र गरेर इलाकामा सनसनी मच्चियो। मृतक व्यक्तिको नाम विजय देवनाथ (45) बताइएको छ। तिनी खोरीबारीको गाजीजोत निवासी थिए। प्राप्त जानकारीअनुसार आज स्थानीय मानिसहरूले खोरीबारीको पाटारामजोतमा स्वर्णमति नदीमा एकजना व्यक्तिको शव देखेपछि घटनाबारे खोरीबारी थाना पुलिसलाई खबर दिए। घटनाको खबर पाएर पुलिस घटनास्थलमा पुगेर शव उद्धार गरेपछि पोस्टमार्टमको लागि उत्तरबंग मेडिकल कलेज एवम् अस्पतालमा पठाउनको साथै कसरी उक्त व्यक्तिको मृत्यु भएको हो भन्ने विषयमा पुलिसले जाँच शुरू गरेको छ। मृतका भाइले बताएअनुसार हिजो कामको लागि घरबाट निस्केपछि तिनी घर फर्कि आएनन् भने आज तिनको शव उद्धार भएको छ।