खोरीबारी तृणमूल युवा कांग्रेसद्वारा विरोध र्‍यालीको आयोजना

खोरीबारी : खोरीबारी तृणमूल युवा कांग्रेसको तर्फबाट केन्द्र सरकारको नयाँ कृषि बीलविरुद्ध आज एउटा विरोध र्‍याली निकालेर यहाँको विभिन्न ठाउँहरूको परिक्रमा गर्यो। उक्त र्‍यालीमा खोरीबारी प्रखण्ड तृणमूल कांग्रेस अध्यक्ष हीरणमय राय, प्रखण्ड युवा अध्यक्ष किशोरी मोहन सिंह,  दुलाल दास, प्रदीप मिश्रा, वेणु पण्डित लगायत चारवटा अञ्चलका युवा अध्यक्ष एवम् अन्य कार्यकर्ताहरू उपस्थित थिए। प्रखण्ड युवा अध्यक्ष किशोरी मोहन सिंहले केन्द्र सरकारको दमनकारी नीतिले गर्दा आज देशभरिको जनता त्रस्त बनेका छन्। केन्द्र सरकारको नयाँ कृषि बील जनविरोधी बील रहेकोले आज आफूहरूद्वारा यसको विरोध जनाउँदै उक्त र्‍यालीको आयोजना गरेको तिनले बताए।