खोरमा फँस्यो चितुवा

अलिपुरद्वार : अलिपुरद्वार जिल्लाको कालचिनी ब्लक अन्तर्गत पर्ने बीच चियाकमानमा चितुवालगायत अन्य जङ्गली जनावरहरूको आतङ्क बढेपछि वन विभागले यहाँको 5 नम्बर सेक्सनमा थापिएको खोरमा आज एउटा चितुवा फँसेको छ। चितुवा खोरमा पसेको थाहा पाएपछि नीलपाड़ा रेञ्जका वन कर्मीहरू घटनास्थलमा पुगेर उक्त चितुवालाई उद्धार गरेर जलदापाड जङ्गल क्षेत्रमा छोड्न लगेको बताइएको छ।