खरसाङ विधानसभा समष्टिको लागि वामपन्थीको प्रार्थी उत्तम शर्मा

खरसाङ: खरसाङ विधानसभा समष्टिको लागि वामपन्थी, कङ्ग्रेस र ईण्डियन सेकुलर फ्रण्टको संयुक्त मोर्चाद्वारा समर्थित सीपीआईएम-द्वारा मनोनित सीपीआईएम प्रार्थी उत्तम शर्माको रूपमा घोषणा गरेको छ। आज वामपन्थी पार्टीको बंगाल विधानसभा चुनाउको लागि कोलकोतामा प्रार्थीहरूको नाम घोषणामा खरसाङ विधानसभा चुनाउको लागि तीनधारे गैरी गाउँ निवासी पार्टीको दार्जिलिङ जिल्ला कमिटीका सदस्य एवम् खरसाङ क्षेत्र कमिटीका सचिव उत्तम शर्मालाई प्रार्थीको रूपमा चुनिएको छ। यस विषयमा वामपन्थी प्रार्थी उत्तम शर्मासित जान्न चाहँदा तिनले भने, मलाई पार्टीले जिम्मेवारी दिएर यसपालीको विधानसभा चुनाउमा खरसाङ समष्टिको प्रार्थीको रूपमा मेरो नाम घोषणा गरेकोले अब चुनाउ मैदानमा उत्रने छु। तिनले चुनाउ जितेर पार्टी सरकारमा आएको खण्डमा पहाड़मा जमीनको पर्जापट्टाको अधिकार दिलाउने, चियाबारीका श्रमिकहरूको लागि निम्नत्तम रोजगार अधिनियम लागु गराउने,  पहाड़को स्थायी राजनैतिक समस्याको समाधान गर्ने जस्ता मुद्दाहरू लिएर चुनाउ मैदानमा उत्रने निर्णय लिएको पनि बताए।