खरसाङ डाउहिल स्कुलमा देखा परेको समस्या समाधान

खरसाङ (निसं): खरसाङको प्रतिष्ठित स्कुल डाउहिल स्कुलमा देखा परेको समस्या समाधान भएपछि शिक्षिकाहरू र कर्मचारीहरूले पत्रकार सम्मेलन गरेर सहयोग गर्ने सबैप्रति आभार प्रकट गरेका छन्। डाउहिल स्कूलकी पूर्व प्रधान अध्यापिका सागरिका दत्तलाई स्थानन्तरण गरिएको छ। उक्त स्कुलको समस्या समाधानमा स्टाफ प्रतिनिधि प्रशान्ती थापा र डोरमेन्ट्रीबाट सुजा मंग्रातीले पत्रकारहरूसित कुराकानी गर्दै डाउहिल स्कुलको समस्या समाधान गर्नमा सहयोग गर्ने जीटीए चिफ् अनित थापा, सरकारी अधिकारीहरू, भूतपूर्व विद्यार्थीहरू र स्थानीय जनता साथै मिडियालाई पनि धन्यवाद दिएका छन्। दुवैले हेरिटेज स्कूलको रूपमा रहेको खरसाङको प्रतिष्ठित डाउहिल स्कुलको समस्या समाधान भएको र वर्तमानमा शिक्षिका प्रभारी सिमा अलीको नेतृत्वमा स्कुलको राम्रो प्रगति हुने आशा व्यक्त गरेका छन्।