खरसाङका पत्रकारहरूलाई कोरोना महामारीमा चाहिने सर-समानहरू प्रदान

खरसाङ : सेन्ट्रल ब्याङ्क अफ् ईण्डिया खरसाङ ब्राञ्चको अवकाशप्राप्त प्रबन्धक दिलिप बाक्चीले आज खरसाङ बजार क्षेत्रका पत्रकारहरूलाई यो महामारीको समय केही आवश्यक सर-समानहरू वितरण गरे। तिनले यो कोरोना महामारीको समय विभिन्न क्षेत्रमा खाद्य सामग्रीहरू वितरण गर्नको साथै कोरोना संक्रमित व्यक्तिको परिवारलाई पनि खाद्य सामग्रीहरू घरसम्म लैजाने व्यवस्था गरिरहेका छन्। यसै क्रममा आज खरसाङ बजारमा अवकाश प्राप्त ब्याङ्क प्रबन्धक दिलिप बाक्चीले पत्रकारहरूलाई यो महामारीको समयमा चाहिने सर समानहरू प्रदान गरेर सहयोग गरेका छन्। यस अवसरमा तिनले कोरोना महामारीको समय पत्रकारहरू पनि 24 घण्टा नै समाचार सम्प्रेषणमा सक्रिय रहेकोले पत्रकारहरू पनि फ्रण्ट लाइन वर्करहरू नै हुन् भनी मास्क, सेनिटाइजर तथा फेस शिल्ड लगायत अन्य सामग्रीहरू वितरण गरे।