खरसाङको पार्क लोकेसनमा गोजमुमो-को चुनावी कार्यालयको उद्घाटन

खरसाङ : गोर्खा जनमुक्ति मोर्चा विनय खेमाको खरसाङ पार्क लोकेसनमा चुनाउ कार्यालयको आज खरसाङ चुनाउ समितिका संयोजक मोहन लामाको बाहुलीबाट विधिवत् रूपमा उदघाटन गरियो। आजको उद्घाटन कार्यक्रममा पार्टीका कार्यकर्ताहरू लगायत खरसाङ महकुमाका शीर्ष नेतृत्वहरू उपस्थित थिए। यस अवसरमा मोहन लामाले मतदान गर्नु नागरिकको अधिकार हो। यहीँ मतदान मार्फत् हामीले नेताको चयन गर्दछौ। तिनले अझ भने, पहाडलाई हाल असल नेतृत्व चाहिएको साथै हाम्रो घरलाई आफ्नै भरमा उभ्याउने राजनैतिक दल। हामीले यो चुनाउलाई सजिलोसँग लिएका छैनौं। खरसाङ विधानसभा क्षेत्रको हाम्रो उम्मेदवारलाई जिताउनु नै यो कार्यालय स्थापित भएको अनि हामी हाम्रो उम्मेदवारलाई जिताएर नै छाड्नेछौँ।