खरसाङ खण्डको पञ्चायत समितिका सभापति अनु प्रधानलाई सम्मान

खरसाङ (निसं): खरसाङ देवराली समष्टी अन्तर्गत चिमनी देवराली ग्राम पञ्चायतको नव निर्वाचित पञ्चायत समिति सदस्य र पञ्चायत सदस्यहरूले खरसाङ खण्डको पञ्चायत समितिको सभापति अनु प्रधानलाई प्रशंसा पत्रद्वारा सम्मान जनाए। यसै क्रममा भागोप्रमो-को चिमनी देवराली ग्राम पञ्चायतको पञ्चायत समिति सदस्य दिनेश तामाङको अगुवाईमा निर्वाचित पञ्चायत सदस्य दिपेस थापा र पञ्चायत सदस्या सिमा थापाको उपस्थितिमा सम्पूर्ण चिमनी देवराली ग्राम पञ्चायतका जनताको पक्षबाट खदार्पणसहित प्रशंसा पत्रद्वारा सम्मान जनाइएको छ। पञ्चायत समिति सदस्य र पञ्चायत सदस्यहरूले खरसाङ खण्डको पञ्चायत समितिको सभापति अनु प्रधानको कार्यालयमै पुगेर सम्मान जनाएको छ। यस क्रममा चिमनी देवराली ग्राम पञ्चायतको विभिन्न समस्याहरू र विकासमूलक कार्यहरू गरिदिने अनुरोध र सम्पूर्ण जानकारीसहित ज्ञापन पनि सुम्पेको जानकारी चिमनी देवराली ग्राम पञ्चायतको नर्थ शिवखोलाको पञ्चायत सदस्य दिपेस थापाले जानकारी दिएका छन्।