लाखौँ रुपियाँको सैगुनको काठसहित एकजना पक्राउ

सिलगढी : एनजेपी थाना पुलिसले लाखौँ रुपियाँको सैगुनको काठसहित एकजना व्यक्तिलाई पक्राउ गरेको छ। पक्रा परेका व्यक्ति चन्दन कुमार सिंहको रूपम चिन्हित गरिएको छ। प्राप्त जानकारी अनुसार एनजेपी थाना पुलिसले गोप्य सूचनाको आधारमा हिजो फुलबारी इलाकामा अभियान चलाएर एउटा अदुवा बोकेको ट्रकलाई रोकेर छानबीन गर्दा धेरै मात्रामा चोरी गरेको सैगुनको काठ उद्धार गरेको बताइएको छ।

जफत गरेको सैगुनको काठको अनुमानित बजार मूल्य लगभग 50 लाख रुपियाँ रहेको बताइएको छ। पुलिस सूत्रले दिएको जानकारीअनुसार असमबाट उक्त काठ बिक्री गर्नको लागि बिहारतर्फ लगिरहेको थियो।