लङ्गभ्यूमा बाटो निमार्ण कार्यको शिलान्यास

खरसाङ (निसं): खरसाङको लङ्गभ्यू अन्तर्गत सात घुम्ती बस्तीमा बाटो निर्माणको लागि शिलान्यास सभासद कल्पना प्रधानको बाहुलीबाट विविध पूजा अर्चनासहित गरियो। शिलान्यास कार्यक्रममा समष्टि कार्यकारी सभासद कल्पना प्रधान, मनोनीत सभासद प्रणाम रसाईली, सन्त मेरिज तीन ग्राम पञ्चायत प्रधान मणिराज डुम्जन, उप-प्रधान सन्तोस लामा, पञ्चायत सदस्यगण, अभियन्ता दिपेन्द्र घिमिरे, समष्टि सचिव ललित प्रधान आदिको विशेष उपस्थिति रहेको थियो। मोठ 8 करोड 10 लाखको लागतमा निर्माण हुन गइरहेको सडक खरसाङ नजिक कोदोबारी सात घुम्ती, दुर्बीन, बरबोटे हुँदै साई मन्दिरसम्म निर्माण गरिनेछ। उक्त बाटो निर्माण सात घुम्ती साथै दुर्बीन गाउँको दीर्घकालीन माग रहेको थियो। शिलान्यास कार्यले स्थानीयहरूमा खुशीको लहर छाएको छ। यसको साथै ग्रामवासीले यस कार्यको निम्ति जीटीए प्रमुख अनित थापा, क्षेत्रीय सभासद कल्पना प्रधान साथै मनोनीत सभासद प्रणाम रसाईलीप्रति आभार व्यक्त गरेका छन्।