लकडाउनको समय उल्लङ्घन गरेकोमा पुलिसद्वारा नक्सलबारीको साप्ताहिक सब्जी बजार बन्द

नक्सलबारी: राज्य सरकारले जारी गरेको कोभिड नियमहरूलाई पालन नगरेर यसको उल्लंघन गरेको आरोपमा नक्सलबारीको साप्ताहिक सब्जी बजारलाई पुलिसले आज बन्द गरिदियो। जानकारी अनुसार आज बिहान नक्सलबारीको सब्जी बजार राज्य सरकारले निर्देश दिएको निर्धारित समय 10 बजेभन्दा पछिसम्म पनि खुल्लै रहेको सूचना पाएपछि नक्सलबारी थाना पुलिस उक्त बजारमा पुगेर खुल्ला अवस्थामा रहेको दोकानहरू बन्द गरिदियो। स्मरण रहोस, गत केही दिन अघिदेखि नक्सलबारीमा पनि कोरोना संक्रमित रोगीहरूको संख्यामा लगातार वृद्धि भइरहेको छ। जिल्ला प्रशासनले जारी गरेको रिपोर्ट अनुसार हिजो पनि नक्सलबारीमा कोरोना संक्रमित रोगीहरूको संख्या 49 जना बताइएको थियो। यसैले गर्दा अब मानिसहरू यसलाई लिएर जागरूक हुन अति अवश्यक देखिन्छ।