मदारीहाटमा सडक दुर्घटनामा 3 जना घाइते

मदारीहाट : मदारीहाट 31 नम्बर राष्ट्रिय राजमार्गमा सडक दुर्घटनामा 3 जना गम्भीर रूपमा घाइते भएका छन्। प्राप्त जानकारीअनुसार आज साँझ बाइकमा सवार भएर एकजना व्यक्ति र एउटी महिला हाँसीमारातर्फ गइरहेको समय एउटा सानो वाहनसित ठोक्किँदा बाइकमा सवार व्यक्ति र महिलासहित वाहन चालक पनि गम्भीर रूपमा घाइते भएको बताइएको छ। गम्भीर घाइते अवस्थामा घाइतेहरूलाई उद्धार गरेर मदारीहाट अस्पतालमा लगे तापनि तिनीहरूलाई त्यहाँबाट वीरपाडा अस्पतालमा रेफर गरिदिएको छ। घटनाको खबर पाएर मदारीहाट थाना पुलिस घटनास्थलमा पुगेर जाँच शुरू गरेको बताइएको छ।