तीनधारे (निसं): मणिपुरको गएको भीषण पैह्रोको चपेटमा परेर प्राण गुमाएका गोर्खा जवानहरूलाई तीनधारेको म्हाणिपा संघद्वारा श्रद्धाञ्जलि अर्पण गरियो। तीनधारेको राजबारीस्थित सामतेन छ्योलिङ माणि लाखाङमा म्हाणिपा संघको आयोजनामा दावा लामा म्हेम्हेको अगुवाईमा सहिदहरूलाई श्रद्धाञ्जलि अर्पण गर्दै पुजा अर्चना गरियो।
सहिदहरूको आत्मा शान्तिको लागि मौन धारण गर्नको साथै सहिदहरूको दिवङ्गत आत्माले शान्ति पाऊन् भनी 108 वटा छिमी जलाइयो। सहिदहरूको परिवारहरूलाई ईश्वरले सहन शक्ति प्रदान गरुन् साथै शोकित परिवारलाई गहिरो शोक समवेदना प्रकट गरिएको म्हाणिपा संघ तीनधारेकी कोषाध्यक्ष शान्ति योञ्जनले जानकारी दिएकी छन्।