महिला कर्मचारीहरूसित दुर्व्यवहार गरेको आरोप, सीएमएस-लाई हटाउने मागमा अस्पतालका कर्मचारीहरूद्वारा विरोध प्रदर्शन

सिलगढी : महिला कर्मचारीहरूसित दुर्व्यवहार गरेको एनजेपी रेल अस्पतालका सीएमएसविरुद्ध अभियोग उठेको छ। सीएमएस-लाई हटाउने माग गर्दै आज अस्पतालका कर्मचारीहरूले विरोध प्रदर्शन गरे। प्रदर्शनकारीहरूको आरोपअनुसार एनजेपी रेलवे अस्पतालमा सीएमएसको पदभार सम्हालेपछि तपन कुमार माझीले  अस्पतालका महिला कर्मचारीहरूसित दुर्व्यवहार गर्दै आइरहेको छ। यसको साथै सीएमएस-ले अन्य कर्मचारीहरूसित पनि अभद्र व्यवहार गरेको आरोप रहेको छ। यसैको विरोध जनाउँदै आज एनजेपी रेल अस्पतालका कर्मचारीहरूले विरोध प्रदर्शन गर्नको साथै तिनलाई स्थानन्तरण गरिनुपर्ने माग पनि गरे। अस्पतालका कर्मचारीहरूले रेल अधिकारीको कार्यालय अघि धेरै समयसम्म विक्षोभ प्रदर्शन गरे। तपन कुमार माझीलाई बद्ली गर्ने आश्वासन पाएपछि प्रदर्शनकारीहरूले विक्षोभ प्रदर्शन हटाए। अर्कोतिर, रेल अधिकारीले सीएमएस तपन कुमार माझीविरुद्ध उठेको अभियोग विरुद्ध कुनै प्रतिक्रिया दिएनन्।