मैनागढीबाट उद्धार गऱ्यो सिलगढीमा चोरी भएको बाइक, एकजना पक्राउ

सिलगढी, 5 दिसम्बर: चोरी गरेको बाइकसहित एक जनालाई एनजेपी थाना पुलिसले पक्राउ गरेको छ। पक्राउ गरिएको व्यक्तिको नाम सजल बर्मन हो।
प्राप्त जानकारी अनुसार, गत 12 नोभेम्बरमा सिलगढीको अम्बिका नगर छटपुकुर क्षेत्रमा एउटा बाइक चोरी भएको थियो। यस घटनाबारे एनजेपी थानामा अभियोग दर्ता गरिएको थियो। पुलिसले जाँच गर्दै बुधबार साउथ कोलोनी गोयला बस्तीबाट बाइक चोरीको आरोपमा सजल बर्मनलाई पक्राउ गरियो। यसपछि तिनीसित सोधखोज गर्दा उक्त चोरी गरेको बाइक तिनले मैनागढीमा बेचेको कुरा पुलिसले थाहा पाए। त्यसपछि एनजेपी थानाका पुलिसले सादा पोशाकमा मैनागढीबाट उक्त चोरी भएको बाइक उद्धार गरेको छ। पक्रा परेका व्यक्तिलाई बिहीबार जलपाईगढी अदालतमा पेश गरियो।