मैनागढी: मैनागढी रोड संलग्न कालीबाडी इलाकामा ट्रेनको चपेटमा आएर एकजना युवकको मृत्यु भएको छ। मृतक संजीव रायको रूपमा चिन्हित गरिएको छ। तिनी मैनागढीको डांगापाडा निवासी थिए। स्थानीय सूत्रले दिएको जानकारी अनुसार उक्त घटना आज बिहान मैनागढी रोड संलग्न कालीबाडी इलाकामा भएको हो। घटनाको खबर स्थानीय मानिसहरूले पुलिसलाई दिएपछि घटनास्थलमा जीआरपी र पुलिस आइपुगेर शवलाई नियन्त्रणमा लिएपछि पोस्ट मर्टमको लागि जलपाइगढी सदर अस्पतालमा पठाइ दिए। पुलिसले घटनाको छानबिन शुरू गरेको छ।