मङपुमा तीनजना कोरोना संक्रमित, सतर्क बस्ने अपील

मङपु : दार्जिलिङ र कालेबुङ जिल्लामा पाँचौँ चरणको मतदान हुन ठिक अघि फेरि कोरोनाको संक्रमण लगातार बढ्दै गइरहेको छ। यसै क्रममा दार्जिलिङ जिल्लाको रङ्ली-रङ्लियट ब्लक अन्तर्गत पर्ने मङपुमा तीनजना कोरोना संक्रमित भएको बताइएको छ। तकदाह टाक्स फोर्सका सदस्य एवम् स्पन्दन संस्थाका संयोजक किरण पाख्रीनले मङपुमा तीनजना कोरोना संक्रमित भएको बताएका छन्। तिनले मङपुका सबै मानिसहरूलाई यसबारे सजक बसिदिने साथै सरकारद्वारा जारी कोरोना सम्बन्धी निर्देशलाई कठोर रूपमा पालन गरिदिने अपील गरेका छन्। तिनले भोलि पाँचौँ चरण अन्तर्गत सम्पन्न हुने चुनाउको लागि मतदान केन्द्रहरूमा जाँदा सबैले अनिवार्य रूपमा माक्स लगाइदिने साथै सेनिटाइजको प्रयोग गरिदिने पनि निवेदन गरेका छन्।