मिरिक : एसडीओ मिरिकको आयोजनमा यहाँको आले खेल मैदानमा विविध कार्यक्रमको साथमा गणतन्त्र दिवस पालन गरियो। एसडीओ मिरिक अनाबेल दत्तले राष्ट्रिय ध्वज उत्तोलन गरे। मिरिक नगर अध्यक्ष एलबी राईको विशिष्ट आतिथ्यमा सम्पन्न कार्यक्रममा महकुमा अधिकारीले मिरिक महकुमा घोषित भएपछि यहाँ गरिएको विकास कार्यको विस्तृत जानकारी गराउँदै मिरिकवासीलाई गणतन्त्र दिवसको शुभकामना दिए।
मिरिक आले खेल मैदानमा आयोजना गरिएको कार्यक्रममा थर्बु उच्च माध्यामिक विद्यालय, मिरिक उच्च माध्यामिक विद्यालय, स्नोड्रप स्कुलले मार्चपास प्रर्दशन गरे भने सिभिक पुलिस, डिजास्टार भोलन्टियर्सले पनि मार्चपास गरे। यस अवसरमा नगरपालिका, स्वास्थ्य केन्द्र, आईसीडीएस, कृषि विभाग, फायर ब्रिगेड आदिले पनि प्रदर्शन गरे। श्रीमती अम्बिका थापाद्वारा सञ्चालित कार्यक्रममा आदिवासी नृत्य अनि गोर्खा सांस्कृतिक नृत्यहरू सदाच सूचना अनि संस्कृति विभागका कलाकारहरूले साङ्गेतिक कार्यक्रमहरू प्रस्तुत गरे।