मिरिकमा सङ्गीतकार अम्बर गुरुङको सालिग अनावरण

मिरिक : नेपाली सङ्गीत जगतका वरिष्ठ सङ्गीतकार अम्बर गुरुङको सालिग आज मिरिक भ्यु पोइन्टमा अनवरण गरियो। गायक तथा सङ्गीतकार अशोक राई अनि लभ एन्ड सपोर्ट फाउन्डेसनका संस्थापक मनोज राइको बाहुलीबाट  स्वर्गीय अम्बर गुरुङको सालिगको अनावरण गरियो। लभ एन्ड सपोर्ट फाउन्डेसन सिक्किम अनि नेपालको संयुक्त प्रयासमा निर्माण गरिएको सालिग अनवरण समारोहमा नेपाल, दार्जिलिङ, सिक्किम, नेपालका वरिष्ठ सङ्गीतकार, कलाकार तथा साहित्यकारहरू उपस्थित थिए।